Policia e Kosovës ka dhënë detaje lidhur me rastin e që ndodhi mbrëmë në Prishtinë, ku dyshohet se vëllai e vrau vëllain me thikë.

Sipas raportit të policisë, bëhet e ditur se ngjarja ka ndodhur të dielën rreth orës 20:25 në rrugën “Tirana”, në Prishtinë, shkruan Arbresh.info.

Tutje bëhet e ditur se në vendin e ngjarjes, njësia e Urgjencës ka bërë konstatimin e vdekjes së viktimës si dhe të dyshuarit i është dhënë tretman mjekësor pasi kishte lëndime trupore.

“Është arrestuar i dyshuari mashkull kosovar pasi që me mjet të mprehtë-thikë kishte goditur disa herë viktimën mashkull kosovar. Në vendin e ngjarjes, njësia e Urgjencës ka bërë konstatimin e vdekjes së viktimës si dhe të dyshuarit i është dhënë tretman mjekësor pasi kishte lëndime trupore. Në vendin e ngjarjes kanë dal edhe prokurori kujdestar dhe njësia e IML-së”, thuhet në raport.

Ndërkaq, siç bëhet e ditur në raport, pas intervistimit, me vendim të prokurorit kujdestar i dyshuari është dërguar në qendrën e mbajtjes për 48 orë./Arbresh.info/

LEXO EDHE:

Vëllai ther për vdekje vëllanë në Prishtinë